Fyrivarni

Leiting í Teyggjuni er ein nýggj tænasta, sum ger tað møguligt at fáa upplýsingar um skip, bátar og fiskiloyvi.

Leiting í skipanini er ikki ein almenn útskrift av skrásetingunum. Vístu upplýsingarnar kunnu víkja frá almennu skrásetingunum hjá teimum ráðum og stovnum, ið eru partar av Teyggjuni. Hetta tí, at talan ikki er um beinleiðis leiting í dátugrunninum, sum verður nýttur av umsitingini, men leitað verður í einum dátugrunni, sum almenningurin hevur atgongd til. Dagføring av dátugrunninum verður gjørd við jøvnum millumbilum, tó minst einaferð um dagin, men seinkanir kunnu fyrikoma.

Úrslit av leiting í Teyggjuni eiga tí ikki at virka sum grundarlag undir avgerðum um keyp, sølu, lántøku ella øðrum rættsligum atgerðum í sambandi við skip og loyvir. Í slíkum førum eigur ein alment váttað útskrift at fyriliggja. Slíkar útskriftir fáast við at venda sær til, Fiskimálaráðið, tá talan er um fiskiloyvi, meðan alment váttaðar útskriftir um skip, fáast við at venda sær til FAS-skrivstovuna.

Adressur hjá stovnum/ráðum, ið umsita upplýsingar, ið síggjast á hesi heimasíðu, síggjast undir skránni "Um Teyggjuna".
Spurningar ella feilir kunnu fráboðast á teyggjan@teyggjan.fo
Teyggjan